رمضانِ ماه

1- رمضانِ ماه گناهانی درگوز کنگِ ماه انت، كسے كه په الله ایمان داشته ببیت و چه الله پاکا مُزِّ لوٹوک ببیت و اے ماها روچگ بداریت و اسلامِ چارُمی رُکنا ادا بکنت و رمضانِ شپا په عبادت و تهجد زندگ بداریت، گناهی درگوز کنگ بنت.

2- رمضانِ ماه هما ماه انت که الله پاکِ مزنتریں کتاب «قرآن» کتابے که «هُدًى لِلنَّاسِ وَبَيِّنَاتٍ مِنْ الْهُدَى وَالْفُرْقَانِ»؛ «مردمانی رهدربر و هدایتِ نشان و حق و باطلِ گِستاه کنوک انت». په واجهیں رسول الله "صلی الله علیه و سلما" ایر آتکگ.

3- ماں رمضانِ ماها شپے هست انت که آ شپ چه هزار ماها بزاں83 سال و چار ماها گهتر انت، آ شپ قدرِ شپ انت: إِنَّا أَنزَلْنَاهُ فِي لَيْلَةِ الْقَدْرِ(1)وَمَا أَدْرَاكَ مَا لَيْلَةُ الْقَدْرِ(2)لَيْلَةُ الْقَدْرِ خَيْرٌ مِنْ أَلْفِ شَهْرٍ(3)تَنَزَّلُ الْمَلاَئِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ(4)سَلاَمٌ هِيَ حَتَّى مَطْلَعِ الْفَجْرِ(5)؛ قدرِ شپ چه هزار ماها گهتر انت. فرشتگان و روح (جبرئيل) ماں آ شپا گوں الله پاکِ اجازتا په هرچ کارے ایرکاینت. آ شپ داں بامگواها سلام وسلامتي انت.

4- مزنتریں جنگے که گوں الله والا و مشركاں پیش آتکگ، و الله والا مشرکانی سرا کامیاب بوتگنت و الله پاکا حق و باطلِ میانا گستاهی و جدایی یاورت، «بدر كبري»ءِ غزوه ات که ماں رمضانِ هفدهمی روچا پیش آتک.

5- مكهِ فتح، ماں رمضانِ ماها پیش آتکگ.

6- سُنّتیں نمازانی وانگ ماں رمضانِ ماها، ثواب اش گوں هما فرضی نمازاں برابرے کنت انت که ابید رمضانا وانگ بنت و فرضی نمازانی وانگ ماں رمضانا، برابر گوں هفتاد فرضا انت که ماں غير رمضانا وانگ بنت.

7– رمضان ِ ماه ماهے انت كه رحمتانی دروازگ، و بهشت پچ بیت و جهنمِ دروازگاں بندگ بنت، و شیطاناں ماں زمزیلاں بندگ بنت.

8- رمضانِ هر شپا توار جنوکیں چه آسماناں توار کنت: اَے کسے که خیر و وشّیانی لوٹوکَے دیما بیا، و اَے كسے كه شِرّ و بديّاں لوٹوکَے دست بدار.

9- رمضانِ شپاں الله پاک وتی بندگاں چه جهنمِ آسا نجات دات.

10- رمضان ماهے انت که اول سَری رحمت و میانی روچانی مغفرت و گُڈ سری روچانی چه جهنمِ آسا آزادی انت.

11- رمضان صبر و اوپارِ ماه انت، صبر ِ مُزّ بهشت انت.

12- عُمْرهِ حجِ کنگ ماں رمضانا ثوابی، هما حجِ ثوابِ مُزّا داریت که گوں واجه رسول الله همراه بِبَے.

13- رمضانِ ماه نیکی و سخاوتِ ماه انت.

14- رمضانِ گُڈّی شپا روچگ دارانی گناه درگوز کنگ بنت، هما وڑے که کارگر رند چه کارا وتی مُزّا گریت.

سرچمّگ:
– امام بخاري (1898)ومسلم (1079)
– صحيح مسلم (1079/2)
– سنن ترمذي (682)
- صحيح ابن خزيمه (3/19) و شعب الايمان بيهقي (3/305) چارَگ بِبَنت.

آخر بنویسید

سرچمّگ: سنی‌آنلاین بلوچی